Continúan os cortes de circulación pola neve en Pedrafita

A provincia de Lugo segue a concentrar o maior número de estradas pechadas, fronte á situación máis favorable de Ourense.

Máquina quitaneves | Arquivo

A neve caída ao longo do fin de semana en zonas do interior de Galicia dificultou a circulación na xornada do domingo, principalmente en estradas das provincias de Ourense e Lugo. Aínda que as vías ourensás recuperaron certa normalidade cara ao mediodía, as provinciais lucenses LU-533, en Chantada, e LU-633, en Pedrafita do Cebreiro, mantiveron as restricións ao tráfico unhas horas máis.

Por unha banda, na LU-533, a meteoroloxía adversa provocou cortes intermitentes á circulación en ambos os sentidos no punto quilométrico 43, á altura de Mundín, en Chantada. Con todo, a última hora da tarde, o mapa da Dirección Xeral de Tráfico (DXT) xa desactivara esta incidencia. Con todo, na LU-633 a neve e o xeo aínda manteñen os cortes intermitentes entre os quilómetros 0 e 27, no concello de Pedrafita do Cebreiro.

DEIXAR UN COMENTARIO

Please enter your comment!
Please enter your name here