InicioSociedadeFriol tampouco celebrará este ano a Feira do Queixo e Pan de...

Friol tampouco celebrará este ano a Feira do Queixo e Pan de Ousá

O goberno local decidiu cancelar o evento por responsabilidade ante a evolución do virus e pola incerteza de cales serán as restricións impostas naquel momento.

PUBLICADA O

- Advertisement -

O Concello de Friol vén de anunciar que este ano tampouco haberá Feira do Queixo e Pan de Ousá. O goberno local decidiu cancelar a edición deste 2021, que se celebraría o 21 de marzo, para garantir a seguridade de toda a poboación en vista da evolución da pandemia.

A Feira do Queixo e Pan de Ousá foi un dos eventos dos que primeiro se soubo a súa suspensión por mor do coronavirus no pasado 2020. Desta volta, o Concello tampouco ve posible a súa celebración ante “o nivel de contaxios que se están producindo nas últimas semanas en toda a comunidade”.

Ademais, o equipo de goberno explica que o descoñecemento do nivel de restricións que estarían impostas nesa data tampouco facilita a preparación do evento. “A Feira do Queixo precisa de varios meses de organización para que todo saia como debería. Non se pode esperar ata finais deste mes de febreiro para decidir se se leva a cabo ou non”, resaltan.

O alcalde, Jose Ángel Santos, lamenta ter que decidir de novo esta cancelación, posto que afectará negativamente a moitas familias do municipio. Así e todo, amósase claro: “non podemos arriscarnos dada a situación sanitaria que estamos a vivir. Levamos case un ano sufrindo. Non podemos arriscarnos a desfacer todo o que levamos conseguido ata o de agora”.

Así pois, dende o goberno de Friol apelan á responsabilidade para superar a pandemia e poder volver á normalidade canto antes.

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

O Arde lucus xa está aquí, as lexións romanas tomaron a cidade

Preto de chegar ás 21,00 horas na ponte romana da cidade, dun lado estaban,...

Investigado un traballador do Concello de Lugo por presuntos abusos sexuais

Un traballador social do Concello de Lugo atópase actualmente investigado como presunto autor dun...