InicioSociedadeA presión hospitalaria non mellora en Lugo, onde aínda hai 26 pacientes...

A presión hospitalaria non mellora en Lugo, onde aínda hai 26 pacientes na Uci

O Sergas comunica unha importante baixada de casos activos (127 menos ca onte), pero confirmáronse 71 novos positivos (unha vintena máis).

PUBLICADA O

- Advertisement -

O Servizo Galego de Saúde (Sergas) contabiliza 1.514 casos activos de coronavirus na área sanitaria lucense; isto é, 127 menos ca no día de onte. Medran, iso si, os novos positivos detectados a través de PCR: 71 nas últimas 24 horas.

Tamén os hospitais ven aumentada a súa carga asistencial, con 97 ingresos (+3): 71 pacientes en planta (no HULA, 42; na Mariña, 9; en Monforte, 20) e 26 nas Unidades de Coidados Intensivos (25 no HULA e outro na Mariña).

Por outra banda, a cifra de vítimas mortais da pandemia ascende ata as 185 ao coñecerse o falecemento dun octoxenario ingresado no Hospital da Mariña e que fora diagnosticado de Covid-19. Así mesmo, os datos históricos revelan que se curaron 9.384 persoas e que se realizaron 172.080 PCR (1.092 delas onte).

EN GALICIA, BOS SINAIS

No conxunto da comunidade hai indicios de que a terceira onda da pandemia podería estar a remitir: baixa a presión hospitalaria e diminúen tamén os novos casos detectados. En concreto, hai un total de 1.145 pacientes (70 menos), dos cales 234 están na UCI. Os diagnósticos diarios descenden a 677 e os casos activos baixan a 16.643. Podes ler a información completa no Galicia Confidencial.

ÚLTIMAS

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...

A Xunta só dá 10 días para consultar o expediente de Altri a 75 persoas interesadas

A Consellería de Economía e Industria recoñeceu a 75 persoas como interesadas no proxecto...

O PP lucense esixen a Tomé unha repartición “igualitaria” dos convenios da Deputación

Alcaldes e concelleiros do Partido Popular dos 67 concellos lucenses concentráronse este venres ante...

Dous detidos por estafar máis de 30.000 a unha empresa de Lugo

A Garda Civil de Lugo identificou a dous veciños de Cataluña que supostamente estafaron...