EFE | O grupo de transportes de viaxeiros Monbús reformará os seus servizos e horarios de autobús en fins de semana e festivos a partir deste sábado ante as restricións de movemento da poboación impostas polas autoridades para conter a propagación da pandemia de covid-19.
Os cambios afectarán a aquelas liñas con saída programada a partir das 18:00 horas de luns a venres, en traxectos de máis de 50 quilómetros.
A empresa anuncia así que os cambios terán en conta a suspensión temporal das clases presenciais na universidade, a limitación horaria das actividades comerciais ou o peche total da hostalería.
Monbus “garantirá a continuidade dos servizos” a persoal de centros médicos ou educativos, e “segue atentamente a evolución da actual situación sanitaria e as directrices e recomendacións recibidas por parte das administracións públicas”. Engade que a información sobre o estado dos servizos actualizarase constantemente no seu portal da internet e de redes sociais.
