O ‘Dicionario galego para boomers’, a xenial idea do alumnado do IES Leiras Pulpeiro

Shippeo, crush, 24/7... Estudantes de 1º da ESO explican en Instagram o significado de expresións propias da linguaxe da xente nova

Captura do perfil de Instagram do Dicionario Galego para Boomers | @galegoparaboomers

Sentiron falar a rapazada sobre shippeos ou sobre que tal persoa é o seu crushSe cadra sóalles algo allea esta linguaxe e mesmo teñen dificultades para seguir o ritmo de tantas palabras novas, moitas delas procedentes do mundo da Internet. Acabouse o non entender! O alumnado de 1º da ESO do IES Leiras Pulpeiro (Lugo) puxo en marcha un proxecto que explica toda esta terminoloxía: é o ‘Dicionario galego para boomers’.

A través de publicacións no seu perfil de Instagram, van compartindo definicións de conceptos moi usados no día a día pola xente máis moza. Acompañan o texto de exemplos prácticos cos que amosan a utilización da palabra nun contexto axeitado.

A idea está a ser moi celebrada no ámbito das redes sociais por combinar o compromiso co idioma e mais a proximidade coas novas xeracións.

DEIXAR UN COMENTARIO

Please enter your comment!
Please enter your name here