InicioSociedadeArrinca a administración da segunda dose da vacina nas residencias da provincia

Arrinca a administración da segunda dose da vacina nas residencias da provincia

O xerente da área sanitaria estima que a principios de febreiro xa estarían inmunizados os usuarios e traballadores dos xeriátricos que tamén recibiran a primeira dose.

PUBLICADA O

- Advertisement -

Este martes comezou na provincia de Lugo a administración da segunda dose da vacina contra a Covid-19. Foi na residencia da terceira idade de Burela foi, ao igual que ocorreu coa primeira parte da vacinación.

Mari Carmen Fernández Pérez, de 85 anos, foi a primeira vacinada na provincia de Lugo. Esta usuaria admitiu ao recibir a primeira dose o “mal” que o estaban a pasar usuarios e traballadores dos xeriátricos e amosouse agradecida “coa ciencia” pola rapidez á hora de atopar un antídoto para o coronavirus.

Nesta ocasión, preguntada ao respecto, Fernández referiuse aos infectados, para pedirlles que sexan “fortes” e “loiten”, porque coa vacina “a vitoria está ao alcance da man”.

EN DATOS

Segundo concreta o xerente da área sanitaria Lugo-A Mariña-Monforte do Servizo Galego de Saúde (Sergas)Ramón Ares, “seguindo a mesma cadencia, dos mesmos días, de fai tres semanas, comezamos en Burela. Está previsto que hoxe se vacinen 65 persoas e a partir de mañá imos seguir no resto das residencias da provincia. Uns 2.295 traballadores e usuarios dos xeriátricos recibirán a segunda dose ao longo desta semana“, precisa.

Ares expón que “esperamos ter rematado a principios de febreiro -entre os días 2 e 3- a administración completa aos case 7.000 traballadores e residentes que recibiron a primeira. Poderiamos xa ter daquela vacinada e inmunizada unha poboación de risco tan importante, que maiores padecementos e dificultades tiveron con esta pandemia”, conclúe.

Please wait while you are redirected...or Click Here if you do not want to wait.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...