Lugo volve achegarse aos mil casos activos de Covid

Os hospitais da provincia atenden 35 pacientes diagnosticados de coronavirus, tres deles na UCI.

Proba de Covid-19 | EFE

A área sanitaria de Lugo sitúase de novo moi preto dos mil casos activos por coronavirus: hoxe son 992, 47 máis ca os contabilizados onte. O Servizo Galego de Saúde (Sergas) refire, así mesmo, que nas últimas 24 horas se confirmaron 75 novos positivos a través de PCR.

Nos hospitais apenas hai cambios, con 35 pacientes diagnosticados de coronavirus (+1). O HULA atende tres na UCI e 13 en planta; o da Mariña, 14; e o de Monforte, cinco.

Por outra banda, á última hora da tarde de onte o Sergas notificaba a segunda vítima mortal na residencia da Pastoriza en dous días. Polo tanto, a cifra de falecementos da pandemia na provincia elévase ata as 150. Ata o de agora curáronse 6.918 persoas e realizáronse 138.110 PCR (963 delas onte).

GALICIA, EN MÁXIMOS

Galicia detectou outros 1.000 novos casos de coronavirus nas últimas 24 horas, período no que a situación nos hospitais galegos empeorou substancialmente respecto da xornada previa ao sumar outros 50 hospitalizados e oito pacientes máis en UCI, co que a cifra global de ingresados con covid-19 queda ao bordo dos 600, 90 deles en UCI. Podes ler máis información no Galicia Confidencial.

DEIXAR UN COMENTARIO

Please enter your comment!
Please enter your name here