InicioSociedadeO alcalde de Rábade admite limitacións no abastecemento da auga, pero garante...

O alcalde de Rábade admite limitacións no abastecemento da auga, pero garante a calidade

Kiko Fernández Montes percibe "intencionalidades" ocultas ao coñecerse a condena á Xunta a incoar un expediente sancionador a Aqualia e ao Concello polo estado da auga durante dous días do 2019.

PUBLICADA O

- Advertisement -

O alcalde de Rábade, o independente Kiko Fernández Montes, recoñeceu as limitacións que presenta o sistema de abastecemento de auga no municipio, aínda que defendeu que a calidade da mesma “está garantida”.

Así se pronunciou tras o fallo do xulgado contencioso nº1 de Lugo, no que se condena á Consellería de Sanidade a incoar un expediente sancionador contra Aqualia e o propio goberno local pola estado da auga da captación os días 13 e 14 de xuño de 2019, a raíz da denuncia dunha veciña.

“Como todo expediente que se abre, abrirase con todas as garantías. Tomaranse as medidas que procedan”, despachaba Kiko Fernández, quen no entanto percibe unha “intencionalidade detrás destes posicionamentos”.

O alcalde explicou que o abastecemento presenta “certas limitacións, sobre todo en época de crecidas do río” con algún episodio de turbidez. “Pero todo isto foi manifestamente mellorado. Cambiáronse os depósitos que nos permiten acumular máis auga e mesmo nas últimas crecidas estes traballos están a dar un resultado bastante satisfactorio”, engadiu.

O rexedor recoñeceu que “o ideal sería contar con pozos de decantación”, pero lembrou que o sistema de abastecemento ten unha “chea de anos” e, a pesar das reformas, “hai momentos en que non é suficiente”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...