O primeiro bebé nado en Lugo chámase Eire. Naceu no Hula ás 02,16 horas da madrugada e pesou case tres quilos. É fillo de Victor e de María Eugenia.
Antes ca el naceron Guillermo, Antón e Mariña, que foron os primeiros bebés do ano 2021 en Galicia. No caso de Ourense, o primeiro bebé chámase Antón, primeiro fillo de María e Daniel, que naceu sen complicacións no CHUO cando aínda en Galicia se celebraba a chegada do ano novo. Pesou, informaron fontes da área sanitaria, 3,04 quilos.
Á mesma hora, as 00,05 da madrugada, chegaba tamén ao mundo no Hospital do Salnés, en Vilagarcía, Guillermo, con 3,280 quilos de peso. Un pouco máis tarde, ao redor das 1,30 horas, nacía o terceiro bebé do ano, a primeira nena, Mariña, que chegou ao mundo no Hospital Arquitecto Marcide de Ferrol.
