A área de Xuventude do Concello de Lugo lanzou un vídeo para difundir en redes a necesidade de actuarmos con responsabilidade durante este Nadal. Faino a través da historia dunha rapaza que ten que tomar unha importante decisión a medida que camiña pola cidade lucense.
O vídeo, protagonizado pola actriz lucense Beatriz Serén, tamén conta coa participación de máis de cincuenta persoas de Lugo: mozas e mozos, asociacións e clubs deportivos como o Breogán ou o CD Lugo, grupos musicais, representantes da sanidade e da Fundación Secretariado Gitano, maiores, familias…
Conta, ademais, coa colaboración especial do director de cine, Andrés Goteira, gañador de varios Premios Mestre Mateo, e coa aparición da alcaldesa de Lugo, Lara Méndez e a edil de Xuventude, Ana Abelleira.
