InicioSociedadeOs futuros veterinarios formaranse con novos simuladores de reprodución animal no Campus...

Os futuros veterinarios formaranse con novos simuladores de reprodución animal no Campus Terra

A adquisición reafirma que a facultade de Lugo é "un centro de referencia a nivel nacional e tamén en Europa”, segundo o delegado territorial da Xunta.

PUBLICADA O

- Advertisement -

EFE | A Facultade de Veterinaria do Campus Terra da USC adquiriu catro simuladores experimentais de reprodución de animais de gran tamaño, concretamente dous de vacas e outros dous de eguas, para seguir potenciando o seu laboratorio de habilidades clínicas e mellorando a formación dos futuros profesionais.

Segundo informou hoxe o decano da Facultade de Veterinaria, Gonzalo Fernández Rodríguez, o elevado nivel de uso deses equipos, adquiridos en Australia e Canadá por un importe total de 60.000 euros, e o aproveitamento que fan deles os alumnos, levou á institución académica a avaliar a posibilidade de ampliar esa dotación coa adquisición de novos simuladores.

O delegado territorial da Xunta de Galicia, Javier Arias, visitou hoxe o centro e dixo que “visto o potencial que ten esta facultade, é lóxico que esteamos a falar dun centro de referencia a nivel nacional e tamén en Europa”, como o demostra a recente renovación da súa acreditación europea.

Durante a visita, os responsables académicos da Facultade de Veterinaria recoñeceron que a “experimentación en animais é insubstituíble” dentro do proceso de formación dos novos profesionais, pero “a xeneralización” do uso “de simuladores para grandes e pequenos animais constitúe unha ferramenta moi útil e interesante para mellorar a formación do alumnado”.

Ao mesmo tempo, facilita este tipo de docencia práctica “en laboratorio”, onde os “futuros veterinarios adquiren experiencia previa antes de iniciar exploracións clínicas en animais”.

ÚLTIMAS

“Boa noticia para Lugo”, o TSXG confirma que o Concello de Lugo non ten que indemnizar ao promotor do Garañón

O Tribunal Superior de Xustiza de Galicia (TSXG) confirmou o fallo do Xulgado do...

Acepta ano e medio de prisión por insultar, acosar e ameazar a unha parella homosexual da cidade

Un home acusado de insultar, acosar, amedrentar e ameazar de morte a unha parella...

O PP oponse a rexeitar o proxecto de Altri, como pide o BNG

O Partido Popular opúxose este martes a rexeitar o proxecto de planta de celulosa de Altri...

A Deputación de Lugo reivindica o seu modelo de residencias de maiores

O responsable de Promoción Económica e Social da Deputación de Lugo, Pablo Rivera Capón,...