A Deputación de Lugo despregou desde primeira hora deste martes un dispositivo formado por 24 operarios e 12 equipos, nos que se inclúen máquinas quitaneve e vehículos todoterreo, para despexar unha vintena de estradas da provincia afectadas as nevadas desta noite.
Segundo informou a institución provincial nun comunicado, trabállase en despexar a neve e retirar as árbores caídas en estradas da Montaña Lucense, nos concellos de Cervantes, Pedrafita do Cebreiro, A Fonsagrada e Navia de Suarna, principalmente, así como na zona sur da provincia, nas localidades de Samos, Quiroga e O Incio.
A Deputación apuntou, ademais, que os 12 silos de sal da Deputación, que dispoñen de 35 toneladas cada un -un total de 420 toneladas–, están a utilizarse para desfacer as placas de xeo do pavimento e “favorecer así a seguridade dos usuarios e usarías delas vías”.
