InicioSociedadeO belén de Momán adáptase á pandemia e esíxelles PCR aos Reis...

O belén de Momán adáptase á pandemia e esíxelles PCR aos Reis Magos

O párroco Luis Rodríguez Patiño instalou un Nacemento no que as figuras deberán manter a distancia de seguridade e respectar o toque de queda.

PUBLICADA O

- Advertisement -

Xa ninguén se sorprende ao coñecer as novidades que introduce cada ano o belén de Momán (Xermade). Desta volta, a reivindicativa representación do Nacemento inclúe  un detallado protocolo anti-covid e un cárcere para os corruptos.

Así, a capela de San Antón de Momán exporá este Nadal un belén moi adaptado a estes tempos de pandemia. O párroco, Luis Ángel Rodríguez Patiño, explica que este ano só haberá seis nenos pastores e “deberán manter unha distancia de seguridade”. Ademais, “se se instala unha taberna, pecharase a partir das dez da noite”, de acordo ao toque de queda imposto polo Goberno.

Do mesmo xeito, a participación no Belén queda restrinxida para todo o persoal non esencial (“o carro, as lavandeiras, o panadeiro, os romanos de Herodes…) e en ningún caso se poderá superar o 50% da capacidade, sinala Rodríguez Patiño. Iso si, “as ovellas pequenas, os porcos, as cabras e os patos non contan“, precisa.

O cura decidiu que San Xosé, a Virxe e o Neno poden estar xuntos no pesebre, xa que son convivintes, pero colocarase un cordón de seguridade a dous metros do berce. As restricións tamén afectan aos Magos de Oriente, que “terán que vir antes para pasar a corentena” e “facer unha PCR”. “Os camelos quedarán na última cidade confinada pola que pasen”, engade.

Ademais, tampouco está permitida a presenza do anxo “no caso de que aletee e teña un efecto aerosol”, por se acaso iso puidese propagar o virus.

O Belén de Momán fai referencia á pandemia | LX
+ posts

ÚLTIMAS

Desaloxados varios colexios en Lugo por ameaza de bomba

A Policía Nacional levou a cabo na mañá deste mércores desaloxos en colexios galegos...

Buscan en Suíza probas da falsa médica sobre a que pesa unha orde internacional de procura

O xulgado de instancia de Lugo, sección penal, praza 2, agarda resposta das autoridades...

Frustrado un roubo nunha nave industrial en Lugo e detido un dos implicados

Axentes da Policía Nacional de Lugo detiveron un home como presunto autor dunha tentativa...

Detidas en Lugo unha nai e a súa filla por unha suposta agresión mutua

A Policía Local de Lugo detivo unha muller e a súa filla como presuntas...