Nos últimos 14 días confirmáronse 179 positivos no municipio de Vilalba, que presenta unha incidencia de 1.272 casos por 100.000 habitantes. É un dos peores datos entre os concellos galegos e implicou que entrara na lista de zonas con restricións de nivel 3.
Sen hostalaría e con peche perimetral: así permanece Vilalba dende o sábado debido á evolución da pandemia neste termo municipal, en cuxa residencia de maiores foi detectado un gromo que superaba por moito o centenar de casos positivos.
CHANTADA E SARRIA, EN VIXILANCIA
O comité clínico que asesora a Consellería de Sanidade observa con especial atención os datos dos concellos lugueses de Sarria e Chantada. Se ben o primeiro deles presenta unha incidencia de 285,1 casos por 100.000 habitantes, en Chantada supérase a incidencia acumulada en España (que ronda os 400 casos por 100.000 habitantes).
Alí, nos últimos 14 días detectáronse 38 positivos pero, logo de pór en relación este dato co tamaño da poboación, isto tradúcese nunha incidencia de 463,9 por 100.000 persoas. Podes ler a información completa no Galicia Confidencial.
