A Consellería de Sanidade notificou este martes 15 falecidos máis con coronavirus en Galicia, de forma que o total de mortes ascende ata 1.024. É unha das maiores cifras rexistradas na segunda onda en Galicia. Con todo, supón unha baixada respecto das 21 mortes notificadas o luns –tope desde comezos de abril, coas mesmas vítimas que as rexistradas o 2 de novembro–.

Destas 15 persoas falecidas, sete estaban vinculadas con residencias. E delas, dúas, da provincia de Lugo. Son unha muller de 94 anos no HULA de Lugo –procedente da Vivenda Comunitaria Remanso de Paz da Fonsagrada e unha muller de 84 anos no Hospital da Mariña –procedente da residencia de San Cibrao de Cervo.