EFE | O Concello de Vilalba informou a través dun comunicado de que o número de casos de coronavirus activos no municipio, que xa se atopa no nivel vermello de alerta, subiu nas últimas horas a 40 persoas, polo que non se descarta establecer restricións máis duras.
A alcaldesa da localidade, Elba Veleiro, dixo que non descarta adoptar medidas nas próximas horas se o número de casos activos segue subindo na localidade, á espera “da decisión que adopte o comité clínico da Xunta de Galicia sobre posibles restricións”.
Así, aínda que o municipio continúa coas “limitacións indicadas para toda Galicia”, o Concello está a realizar “desde hai días un seguimento exhaustivo” da situación. De feito, confirmou que “a maior parte dos casos” activos están en “seguimento domiciliario” e responden “a unha cadea de contaxios circunscrita a distintos núcleos familiares”. Por iso, o Concello pediulles que se “queden na casa” ás persoas que están aínda “pendentes de realizar probas ou mantiveron contacto estreito cun positivo”.
