InicioSociedadeLugo volve cara atrás: aumentan os contaxiados coa covid

Lugo volve cara atrás: aumentan os contaxiados coa covid

PUBLICADA O

- Advertisement -

Os contaxios de Covid-19 en Galicia subiron nas últimas 24 horas con 346 positivos confirmados por PCR, deles 81 na área sanitaria de Ourense, 68 na de Vigo e 60 na de Santiago. Lugo, que en días pasados rexistrara máis recuperados que contaxiados, volveu a números negativos este xoves.

Así consta nos datos actualizados na web da Consellería de Sanidade na mañá deste venres con datos das 18,00 horas do xoves, nos que se constata que a área sanitaria da Coruña rexistrou 57 positivos confirmados por PCR nas últimas 24 horas; 31 na de Pontevedra; 30 na de Lugo e 19 na de Ferrol.

Os casos activos en Galicia aumentaron con respecto ao xoves en 111 e sitúanse en 4.680, con incrementos en todas as áreas, salvo na de Pontevedra. En concreto, a de Ourense rexistra 1.601 –nove máis que este xoves–; a da Coruña, 784 –14 máis–, a de Santiago, 660 –21 máis–; a de Vigo, 592 –58 máis–; a de Lugo ten 475 –oito máis–; a de Pontevedra, 401 –18 menos– e a de Ferrol rexistra 167 –19 máis–.

Ata a data curáronse en Galicia 22.788 persoas, o que supón 238 máis que as contabilizadas o xoves. E realizáronse 572.690 PCR fronte ás 566.061 contabilizadas ata este xoves.

FALECIDOS

A Comunidade galega rexistrou ata a data o falecemento de 808 persoas con Covid-19, o últimas cinco vítimas foron notificadas este mércores.

En concreto, trátase de tres mulleres de 83, 90 e 96 anos –esta última procedente da residencia Vos Gozos de Pereiro de Aguiar– que permanecían ingresadas no Complexo Hospitalario Universitario de Ourense (CHUO).

Segundo os datos facilitados este xoves pola Consellería de Sanidade, tamén faleceu un home de 85 que recibía atención hospitalaria no CHUO; así como outro home de 85 anos que estaba ingresado no Hospital Universitario Lucus Augusti. Todos eles presentaban patoloxías previas.

ÚLTIMAS

O sector da limpeza en Lugo critica a petición de adiamento da patronal para decidir se acepta a mediación

Traballadores do sector da limpeza en Lugo criticaron "unha nova mostra do "absoluto desinterese"...

Unha persoa resulta ferida nun choque entre un camión cisterna e un coche en Abadín

Un camión cisterna que transportaba leite chocou contra un coche e envorcou en Abadín....

A que se debeu a grande expansión do lume no incendio de Baleira?

Os incendios que cada ano asolan Galicia destrúen a nosa paisaxe, o noso patrimonio...

Unha residencia de Vilalba deberá readmitir a unha empregada despedida por reivindicar mellores condicións laborais

O Xulgado do Social número 1 de Lugo declarou nulo o despedimento dunha traballadora...