En conreto era un home de 94 anos que estaba no Hospital Lucus Augusti de Lugo e que proviña da residencia DomusVi de Outeiro de Rei, o falecido presentaba patoloxías previas.

A Consellería de Sanidade notificou en total dous novos falecementos vinculados á COVID-19 na comunidade, os de dous pacientes ingresados na Coruña e Lugo. A última comunicación da morte dun paciente con coronavirus, un octoxenario ourensán, fora na mañá do martes.

A segunda persoa falecida era unha muller de 79 anos ingresada no CHUAC da Coruña.

Con iso, a cifra de falecidos vinculados á pandemia desde o seu inicio en Galicia ascende a 723 e, desde o comezo da ‘nova normalidade’, son xa 102. A primeira morte deste período foi a dunha muller o 7 de agosto.

Antes diso, a Comunidade encadeara case dous meses –desde o 10 de xuño– sen decesos relacionados co coronavirus. Hai xusto unha semana, o pasado mércores, Galicia superaba a barreira dos 700 falecidos.