InicioSociedadeGran baixada de casos activos na área de Lugo con 36 positivos...

Gran baixada de casos activos na área de Lugo con 36 positivos menos

PUBLICADA O

- Advertisement -

Galicia detectou nas últimas 24 horas menos de 200 novos contaxios de COVID-19, unha cifra que supón un descenso con respecto ás xornadas anteriores e que non se pasaba desde o pasado 8 de setembro. En concreto, segundo os datos da Consellería de Sanidade, detectáronse na última xornada 194 novos casos de COVID-19 e a cifra de casos activos diminuíu ata os 4.304 (-46). Unha caída que lidera a área de Lugo.

Nas últimas 24 horas sumáronse ao parte tres falecementos relacionados coa COVID-19, os de dous usuarios de residencias –a Orpea de Culleredo e a DomusVi Lugo de Outeiro de Rei– e o dunha muller ingresada no Hospital de Ourense, co que xa son 718 os vinculados á pandemia. Do mesmo xeito, producíronse 237 altas, co que a cifra de persoas que superaron a COVID-19 en Galicia elévase a 16.995.

Segundo os datos de Sanidade, catro das sete áreas sanitarias galegas rexistran un descenso na cifra de casos activos. En concreto, a baixada máis pronunciada dáse en Lugo, onde pasan de 725 a 689 (-36) e na Coruña, onde baixan en 30, de 1.178 a 1.148. Do mesmo xeito, na área sanitaria de Santiago e A Barbanza hai 12 casos activos menos, ata 625 e na de Ferrol caen sete, ata os 177.

Pola contra, a cifra de casos activos sobe en Vigo, onde pasan de 440 a 457 (+17) e na de Ourense, con 14 máis, ata os 541. En Pontevedra, pola súa banda, pasan de 658 casos activos a 667 (+9).

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...