A Policía Nacional de Lugo procedeu a investigar un menor por un delito de sexting en relación á difusión dun vídeo con contido sexual doutra menor.
Segundo informou a Policía Nacional, durante o fin de semana denunciouse a distribución dun “vídeo con contido sexual dunha menor”, engadiu, “distribuído en redes sociais por outros menores”.
Deste xeito, iniciada a investigación para a localización da persoa que distribuíu o vídeo, os axentes comprobaron “que a distribución non se realizou de facto, senón simplemente de palabra“, xa que “a aplicación pola que se enviou o contido, unha vez visionada bórrase”, puntualizaron as mesmas fontes, por tanto “non se puido distribuír”.
“Con todo o menor si que o comentou aos seus achegados”, subliñou a Policía Nacional, que informou de todo iso á Fiscalía.