InicioSociedadeLugo cortará o tráfico en sete rúas para ampliar as terrazas e...

Lugo cortará o tráfico en sete rúas para ampliar as terrazas e os espazos peonís

A medida afecta á rúa Mallorca, Recatelo, Carril dos Loureiros, Isaac Díaz Pardo, Vila de Sarria e Avelino Pousa Antelo. Tamén inclúe unha intersección na praza de Augas Férreas.

PUBLICADA O

- Advertisement -

EFE | O Concello de Lugo pechará o tráfico en sete rúas da cidade para ampliar o espazo para as terrazas e os peóns mentres dure a actual situación excepcional. Así o anunciou a alcaldesa de Lugo, Lara Méndez, tras reunir a Comisión de Tráfico municipal.

A medida, que quedará regulada coa publicación dun bando municipal, afectará á rúa Mallorca, Recatelo, Carril dos Loureiros, Isaac Díaz Pardo, Vila de Sarria e Avelino Pousa Antelo, que quedarán sen tráfico rodado. Ademais, tamén se reservará para uso exclusivo dos peóns a intersección entre as rúas Cánovas del Castillo, Rafael Dieste e Vázquez Seijas (na praza de Augas Férreas).

Nese bando, ademais de permitir a instalación de terrazas en prazas públicas e rúas peonalizadas, tamén se contempla posibilidade de ocupar rúas e áreas de estacionamento, sempre de acordo cunhas pautas de seguridade, para garantir a distancia de separación e unha correcta sinalización.

Ademais o Concello seguirá sen cobrar os recibos pola instalación de terrazas no termo municipal. A alcaldesa aclarou que estas medidas teñen un “carácter excepcional”, de tres meses de duración, “coa finalidade de axudar á recuperación da actividade dun dos principais sectores económicos da cidade”, do que “viven miles de familias”.

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...