InicioSociedadeAs rúas de Lugo encheranse de mariolas e doutros xogos infantís pintados...

As rúas de Lugo encheranse de mariolas e doutros xogos infantís pintados no chan

O Concello habilitará 60 puntos lúdicos en seis zonas da cidade para contrarrestar o peche dos espazos de lecer. O proxecto está dirixido por un gabinete de psicoloxía e terapia familiar coa idea de que nenas e nenos gocen o máximo posible da súa saída ao exterior, sempre sen caer nas masificacións.

PUBLICADA O

- Advertisement -

A área de Mobilidade e Infraestruturas do Concello de Lugo habilitará durante os vindeiros días zonas de xogo pintadas nas beirarrúas para as saídas das nenas e nenos. En total, colocaranse 60 puntos de xogo repartidos en seis zonas da cidade para contrarrestar o peche dos espazos de lecer.

Segundo declarou o tenente de Alcalde, Rubén Arroxo, “trátase de zonas de xogo en movemento, pensadas para xogar co avance do paseo, e non para deterse nelas“. A idea é que as crianzas saquen o máximo rendemento a eses saídas ao exterior e que vaian atopando espazos lúdicos “que poidan fluír cos paseos e eviten as masificacións”. 

Daquela, a área de Mobilidade comezará a habilitar estes puntos a partir deste mércores por toda a cidade, agás na zona Pepri e naquelas partes onde o pavimento sexa de pedra para respectar o patrimonio. As pinturas utilizadas serán de duración limitada para que, cando se retorne á normalidade, o aspecto das rúas sexa o habitual

Rubén Arroxo amosa o plan ‘Tecendo brincadeiras’ para habilitar zonas de xogo nas rúas de Lugo | ALX

O proxecto, baixo o nome de ‘Tecendo brincadeiras‘, está deseñado e dirixido polo gabinete de psicoloxía e terapia familiar de Natalia Garcíaco obxectivo de evitar “frustracións e emocións negativas” nas crianzas durante esta situación tan atípica. Malia o permiso para pasear, as circunstancias seguen sendo moi limitantes e diferentes ás habituais: rúas desertas, tendas pechadas, persoas con máscaras…. 

Todo isto pode xerar un impacto emocional difícil de xestionar, lembran dende o Concello, así que ‘Tecendo brincadeiras’ nace para tentar paliar iso e para crear espazos de evasión. Ademais, recalcan que estes espazos fomentan o acceso igualitario de todas as familias, xa que todos poden desfrutar da rúa nas mesmas condicións independemente dos seus recursos económicos.

ÚLTIMAS

Pasará a disposición xudicial o profesor do CEIP Albeiros por presunto abuso a menores

O profesor do CEIP Albeiros de Lugo detido na xornada do mércores pola Policía Nacional investigado...

Ulloa Viva acusa a Rueda de “falta de respecto” aos participantes na manifestación contra Altri

A Plataforma Ulloa Viva tacha de "falta de respecto" cara aos asistentes á manifestación...

Hael Docampo, emprendedora que apostou pola gandería en Castroverde

Segundo sabemos, esta moza era máis de animais que de gando, pero co tempo...

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...