- Advertisement -
A residencia de Dano Cerebral de Castro de Rei certificou a recuperación das tres persoas que foran diagnosticadas por coronavirus nas súas instalacións, segundo explicou a Consellería de Sanidade a Europa Press.
Desta maneira, esta cifra súmase ás dúas que o luns foron confirmadas como as primeiras persoas curadas procedentes de centros de atención para persoas con discapacidade de toda Galicia e xa son cinco en total.
Segundo os datos da Consellería de Sanidade, este centro de Castro de Rei e o de Santa Cruz de Ourense, da Fundación San Rosendo, son os únicos que ata agora rexistraron recuperacións.
