Un home de 87 anos é a terceira vítima mortal ingresada no Hospital Público da Mariña por mor do coronavirus, segundo informou este domingo a Consellería de Sanidade. Segundo as mesmas fontes, o falecido tiña patoloxías previas. Esta morte incrementa a 19 os falecidos en toda a provincia de Lugo por coronavirus.
As tres persoas falecidas polo momento no hospital mariñao son homes, todos de avanzada idade. O primeiro falecido na bisbarra por mor do coronavirus foi un usuario da residencia ribadense Mirador del Eo, de 83 anos. O pasado venres morreu outro varón, de 90 anos. Nas últimas horas documentáronse ata sete pasamentos en hospitais do Servizo Galego de Saúde (Sergas). Máis información no Xornal da Mariña.
