InicioSociedadeNon, o HULA non pide máscaras de mergullo do Decathlon para os...

Non, o HULA non pide máscaras de mergullo do Decathlon para os profesionais sanitarios

Trátase dun novo boato ou noticia falsa difundida a través de WhatsApp. Fontes do propio hospital desmentiron a mensaxe, "completamente falsa".

PUBLICADA O

- Advertisement -

EFE.- O Hospital Universitario Lucus Augusti (HULA) desmentiu un novo boato que se difundiu a través da rede de mensaxería WhatsApp, segundo o cal o complexo hospitalario estaba a pedir “máscaras de mergullar” dunha coñecida marca de roupa e accesorios deportivos para protexer os seus sanitarios fronte ao coronavirus ou para usalas como respiradores.

Na citada mensaxe, dise que no HULA “están desesperados” pola falta de medios para facer fronte á pandemia do Covid-19, de modo que piden a colaboración da cidadanía para facerse con “máscaras de mergullar” do Decathlon. De feito, nesa mensaxe afírmase que, se alguén está disposto a cedelas, unha ambulancia pasará a recollelas polo seu domicilio.

Fontes do hospital saíron ao paso deste boatron e desmentiron de forma rotunda o contido desa mensaxe, porque é “completamente falso”.

OUTROS BOATOS

Non é a primeira trola que circulou estes días polas redes sociais en relación ao HULA. Hai unhas semanas, viralizárase unha mensaxe na que unha muller advertía da chegada ao HULA dun autobús cheo de xubilados contaxiados por coronavirus. Tratábase doutra noticia falsa, pola cal a Fiscalía Provincial xa abriu dilixencias logo de que a Policía Nacional identificara a súa autora.

ÚLTIMAS

Cortes en Pedrafita pola tractorada galega que pide cambios substanciais nas políticas agrarias da UE

A protesta convocada polas organizacións agrarias galegas Unións Agrarias, Sindicato Labrego Galego e Asaga,...

Consulta xa os horarios dos concertos da Candeloria

O festival lucense A Candeloria anunciou os horarios dos seus concertos, con máis dunha ducia de actuacións...

Queres coñecer ao piloto Jorge Prado e estar no Campionato de España de Motocrós?

Os xornais de Lugo, en colaboración co Concello de Lugo, sorteamos tres entradas dobres...

Detido un condutor que tratou de levar por diante a dous grupos de ciclistas en Lugo

Un home foi detido en Lugo acusado dun delito contra a seguridade do tráfico por tratar...