O presidente da Deputación de Lugo, José Tomé, mantivo este xoves no Pazo de San Marcos unha reunión co reitor da Universidade de Santiago de Compostela, Antonio López, e a vicerreitora de Coordinación do Campus lucense, Montserrat Valcárcel, para confirmarlles que a institución provincial seguirá mantendo o seu apoio e mesmo profundando nas “liñas de colaboración” entre ambas as entidades.
Nese sentido, Tomé anunciou que a Deputación seguirá financiando o “Plan de Choque” impulsado por la USC e a propia Deputación para captar novos alumnos nas titulacións que oferta o Campus de Lugo.
“É unha aposta decidida para impulsar e situar o Campus Terra no lugar que se merece, por iso desde a Deputación se vén renovando nos últimos anos” o seu financiamento, dixo Tomé, que ascende a “350.000 euros”.
Ademais, explicou que existen outros convenios importantes coa institución académica, como o subscrito para a construción dun Centro Experimental de Leite, asociado á Facultade de Veterinaria, ou os que permiten realizar “xornadas o cursos por toda la provincia”.
