InicioPolíticaCríticas polo estado dunha área recreativa en Antas de Ulla tras a...

Críticas polo estado dunha área recreativa en Antas de Ulla tras a explosión dunhas placas solares

Os socialistas denuncian que este enclave de Frádegas está "esquecido" polo Concello e completamente "desvalixado". No seu canto, propoñen crear un espazo educativo e de ocio medioambiental.

PUBLICADA O

- Advertisement -

A explosión das baterías de alimentación dunhas placas solares na Área Recreativa de Frádegas, en Antas de Ulla, sementou a alarma esta fin de semana. Hoxe, a voceira socialista do municipio, Pilar García Porto, visitou o espazo para coñecer a situación a través das queixas dos veciños e denunciou o estado de “abandono” no que o Concello mantén esta zona.

García Porto lembrou que se investiron máis de 600.000 euros para a materialización desta área recreativa, onde primeiro se proxectaran hortos ecolóxicos e logo unha piscina. “A única realidade despois de todo este despilfarro económico de todos os veciños e veciñas de Antas é que a Area está completamente esquecida”, sentenciou.

A socialista sinalou que dita área está “completamente desvalixada”, xa que “non hai nin bancos, nin pérgolas, nin farois, nin papeleiras”. E aínda máis; Porto afirmou que tampouco hai labores de mantemento nin de seguridade, “tal como puidemos coñecer esta fin de semana”.

MEDIO AMBIENTE

“Dende o Grupo Socialista podemos asegurar que este espazo leva abandonado mais dunha década, por iso propoñemos a creación dun espazo educativo e de ocio medioambiental e que ao mesmo tempo contribúa a fomentar o emprego na nosa vila, tras a pésima xestión do alcalde neste entorno”, avanzou a voceira. “Fradegas é un enclave único na provincia de Lugo e na Comarca da Ulloa, un paraíso natural que discorre a carón do río Ulla, e que debemos coidar e poñer en valor. Polo tanto, pedímoslle ao Alcalde que se poña a traballar para recuperar este entorno”, resumiu.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...