O sorteo do Cuponazo da Organización Nacional de Cegos Españois (ONCE) repartiu o pasado venres 450.000 euros na localidade lucense de Guitiriz. Case medio millón de euros foron repartidos entre 18 cupóns premiados ás cinco cifras. A cada un deles corresponderíanlles 25.000 euros.
Quen repartiu a sorte neste municipio da Terra Chá foi o vendedor do ONCE José Luís Álvarez, que vende habitualmente produtos de xogo en ruta por este concello. “Un número importante de veciños, case todos eles clientes habituais de José Luís Álvarez, comezaron con 25.000 euros máis nas súas contas unha das fins de semana máis importantes de Guitiriz, por celebrarse este domingo a Festa da Torta de Millo”, destacou o ONCE nun comunicado.
