InicioLugo e contornaLugoA Audiencia de Lugo absolve aos 10 acusados dunha fraude millonaria de...

A Audiencia de Lugo absolve aos 10 acusados dunha fraude millonaria de telefonía tras anular a principal proba, as escoitas

O tribunal recoñece que "existen unha serie de malas praxes por parte dalgúns dos imputados" pero "desde o ámbito do dereito penal" non se poden "realizar reproche de ningún tipo".

PUBLICADA O

- Advertisement -

A Sección Segunda da Audiencia Provincial de Lugo anulou as intervencións telefónicas realizadas no marco da investigación da presunta defraudación de millóns de euros a Facenda coa compra de teléfonos móbiles e absolveu ao dez acusados.

Segundo informou o Tribunal Superior de Xustiza de Galicia (TSXG), o tribunal argumenta que as declaracións como testemuñas dos dous axentes que dirixiron a investigación policial puxeron de manifesto que a solicitude de intervencións telefónicas realizouse “como método de toma de coñecemento de que era o que existía de certo nas sospeitas que se puñan de manifesto por parte da xefa de xestión da Axencia Tributaria”.

Os maxistrados lembran que a intervención dos terminais é “unha das actuacións xudiciais que supón maior inmisión no ámbito da intimidade e do segredo das comunicacións que, como dereito fundamental, ten que verse salvagardado e só pode ser tomado polas autoridades como método de investigación cando xa se esgotaron os métodos que son menos invasivos”.

O tribunal indica, ademais, que a exposición que se realizou ao xulgado de instrución cando se solicitaron as intervencións daba a “aparencia” de que se realizaron investigacións policiais e de que existían indicios “e non só suposicións policiais” de que se poderían estar a cometer feitos que podían ser delituosos.

“O certo, con todo, é que as dúas testemuñas fundamentais puxeron de manifesto no xuízo que a realidade era moi outra e que nada se realizou policialmente e que o primeiro ao que se acudiu para realizar a investigación foi a solicitude de intervencións telefónicas”, sinala o tribunal.

A Audiencia conclúe na sentenza que “parecen efectivamente existir unha serie de malas praxes por parte dalgúns dos imputados, pero sen que, no presente suposto e co conxunto das actividades despregadas, sexa posible entender que, desde o ámbito do dereito penal, se poidan realizar reproche de ningún tipo”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...