InicioCulturaDiego AS, Yoe33 e Rubén Paz, tres muralistas lucenses con premios mundiais

Diego AS, Yoe33 e Rubén Paz, tres muralistas lucenses con premios mundiais

En só tres anos varios artistas lucenses foron recoñecidos como algúns dos mellores muralistas do mundo: Diego AS, Yoe33 e Rubén Paz, curiosamente ambos os tres orixinarios de barrios do norte da cidade

PUBLICADA O

- Advertisement -

A Piringalla, o Agro do Rolo e Lugo en xeral podemos estar ben orgullosos dos nosos artistas. En só tres anos (2021, 2022 e 2023) tres dos graffiteiros da nosa cidade acadaron premios de talle mundial na maior plataforma de arte urbano do planeta: Street Art Cities.

O primeiro deles foi Diego Anido Seijas (Diego AS) co seu Xulio César, na Ronda da Muralla, mellor mural do mundo do ano 2021. Unha obra que traspasou fronteiras e que milleiros de visitantes levan fotografado dende o Arde Lucus (a obra foi realizada durante esta festa de recreación histórica) do citado ano.

Mural de “Xulio César” de Diego AS, na Ronda da Muralla (Foto: Guido Álvarez Parga)

O segundo foi Rubén Paz (proxecto Trece Trazos) co seu “Don Quijote” no CEIP Cervantes onde el mesmo estudou sendo un neno. Esta obra foi recoñecida como o segundo mellor mural do mundo do mes de agosto do ano 2022.

Mural de “Don Quijote” de Rubén Paz, no CEIP Cervantes (Foto: Guido Álvarez Parga)

O terceiro foi Yoe33 o pasado mes de xullo, coa súa obra “Copora”, unha castrexa, galaica, que conmemorou a pasada edición do Arde Lucus como no caso de Diego. De momento mellor mural do mundo do mes de xullo, pero pode que pronto sexa algo máis.

Mural de “Copora” de Yoe33, ao carón da Muralla Romana e da Catedral de Lugo (Foto: Guido Álvarez Parga)

Chegará o seguinte recoñecemento nas votacións a mellor mural do mundo do 2023 nas que Yoe33 (Manuel Pallín) é un dos aspirantes ao galardón mundial? Saberémolo a partir do 31 de xaneiro, cando rematan as votacións.

ÚLTIMAS

Investigados dous lucenses tras atopar un can abandonado que fora dado de baixa por falecemento

A Garda Civil investiga a dous veciños das localidades lucenses de Castroverde e do Corgo como supostos autores...

Declaran extinguido o incendio da Fonsagrada tras queimar 65 hectáreas

O incendio do municipio lugués da Fonsagrada quedou extinguido na tarde...

Greenfiber quere mostrar a empresarios de Lugo a achega de Altri á economía local

A sede da Confederación de Empresarios de Lugo (CEL) e Cámara de Comercio de...

A muller de Lugo que denunciou á súa ex parella declara que tentaba forzala “todas as noites”

A Audiencia Provincial de Lugo acolleu este xoves o xuízo contra un home de...