InicioSen categorizarGran gran aumento de hospitalizados pola Covid aínda que hai menos casos...

Gran gran aumento de hospitalizados pola Covid aínda que hai menos casos activos

Nos últimos días volveron os ingresos á UCI, dous, e dez novos hospitalizados.

PUBLICADA O

- Advertisement -

Os pacientes hospitalizados pola Covid-19 en Galicia aumentan a 594, que supoñen 121 ingresados máis que os rexistrados o xoves pasado –o venres foi o último día en que a Xunta actualizou os datos da pandemia cos rexistros ata a tarde anterior–, mentres que os casos activos descenden a 11.567, que implican 1.318 menos, tras detectarse 2.306 novos contaxios nos últimos días.

Segundo os datos actualizados este luns pola Consellería de Sanidade, con rexistros ata as 18,00 horas do domingo, recollidos por Europa Press, ascenden a 21 os pacientes en UCI pola Covid-19 en Galicia –tres máis– e soben a 573 os hospitalizados noutras unidades –118 máis–, mentres que 10.973 pacientes atópanse en seguimento no seu domicilio. Hai unha semana, o luns 20 de xuño, había 497 ingresados, 14 deles en UCI.

Por áreas sanitarias, na de Lugo hai dous en críticos –o xoves pasado non quedaba ningún– e 64 noutras unidades –10 máis–.

BAIXAN OS CASOS ACTIVOS

Os casos activos de Covid-19 inician esta semana cun descenso ao situarse en 11.567, que supoñen 1.318 menos que os rexistrados o xoves pasado –o venres actualizáronse os últimos datos con rexistros ata as 18,00 horas do día anterior–, ao haber máis altas (3.624) que novos contaxios (2.306). O descenso é xeneralizado nas sete áreas sanitarias galegas con Lugo (-149) e queda con 1.419 casos activos.

FALECIDOS

As vítimas da pandemia da Covid-19 en Galicia rexistradas na web do Sergas mantéñense en 3.569. Este luns Sanidade informou dos últimos falecementos por coronavirus o día 22 de xuño dun home de 86 anos en Lugo.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

A compañía de teatro do Campus de Lugo galardoada na mostra de ‘Teatro Joven’ de Donostia

Deixando a pel da compañía de teatro universitario USC- Lugo obtivo o premio á mellor...

O PPdeG demandará “máximo rigor” na tramitación da planta de biometano de Coeses, en Lugo

O portavoz do Grupo Parlamentario Popular, Alberto Pazos, acompañado dos deputados lucenses Encarna Amigo,...