InicioSociedadeO alcalde de Abadín declara na Fiscalía polo retraso dunha obra que...

O alcalde de Abadín declara na Fiscalía polo retraso dunha obra que dificultaba a mobilidade dunha veciña

Unha muller de Abeledo, exrival política de López Rancaño, sufriu durante anos dificultades para acceder á súa vivenda por mor dunha barreira arquitectónica que o alcalde non arranxaba.

PUBLICADA O

- Advertisement -

EFE.- O alcalde de Abadín, José María López Rancaño, prestou declaración na Fiscalía de Mondoñedo como investigado por retrasar unha obra para eliminar unha barreira arquitectónica que dificultaba o acceso á vivenda dunha veciña de Abeledo con mobilidade reducida.

A denuncia fora presentada por un grupo creado polo Sindicato Labrego Galego para apoiar a esta veciña, que necesita unha cadeira de rodas para moverse. Segundo informaron a Efe fontes do SLG, o problema comezou no ano 2013, cando ao asfaltar a pista que pasa por diante da citada casa, o firme da calzada quedou a unha altura superior ao domicilio da muller.

Malia as continuas queixas e protestas, o rexedor de Abadín retrasou durante seis anos a execución da obra. Segundo comentara a propia afectada en El País no 2019, os motivos podían apuntar a “represalias” contra a súa actividade política en formacións diferentes á do alcalde.

Finalmente, a obra executouse o mes pasado, pero López Rancaño estaba citado hoxe a declarar como investigado na Fiscalía de Mondoñedo por un suposto delito de “prevaricación por omisión”. O alcalde confesou a EFE que confía en que todo “saia ben” e lembrou que “a obra está feita, certificada e acabada, con pleno consentimento polas dúas partes”. EFE

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...