InicioPolíticaOs afectados de Suplusa: "Non se debe obviar nin esquecer o conflito...

Os afectados de Suplusa: “Non se debe obviar nin esquecer o conflito da selección de persoal”

O colectivo pedirá entrevistarse con todos os grupos políticos da Deputación para lembrarlles que é preciso buscar unha solución política para aquel proceso, á parte da solución xudicial.

PUBLICADA O

- Advertisement -

EFE.- A Plataforma de Afectados de Suplusa anunciou que solicitará unha entrevista con todos os grupos políticos da executiva provincial: Partido Popular, PSdeG-PSOE e Bloque Nacionalista Galego. Procuran que o proceso de selección de persoal do ano 2015 non caia no esquecemento agora que se abre un tempo novo no relativo a Suplusa e á polémica dos centros de maiores.

Nun comunicado, o colectivo asegurou que a situación xerada con “aquela selección de persoal responde a decisións políticas”, polo que consideran que “debe ser tamén a través de decisións políticas como se lle dea solución ao conflito”.  Desde a ‘Plataforma de Afectados pola selección de persoal para as residencias’ entenden que, aínda que a situación das persoas afectadas xa estea no xulgado, tampouco se debe “obviar nin esquecer” no debate político do futuro das residencias e de Suplusa.

Así mesmo, aseguraron que se desde a Deputación van crear un total de 18 residencias provinciais, “hai marxe suficiente para encaixar ás persoas seleccionadas e dar unha solución xusta e digna tanto ás persoas afectadas como para a propia institución”.

As críticas da plataforma esténdense á xestión do organismo provincial en xeral, posto que consideran que a Deputación “debe estar para solucionar problemas e non para crealos”

PARTIDO POPULAR

Pola súa banda, o Partido Popular tamén lle urxiu  ao presidente provincial que fixe “canto antes” unha reunión de traballo para coñecer como se vai producir a integración de Suplusa na Deputación. Din que o “lóxico” é  que se lles proporcione información sobre o futuro dos traballadores que foran seleccionados naquel proceso.

ÚLTIMAS

O sector da limpeza en Lugo critica a petición de adiamento da patronal para decidir se acepta a mediación

Traballadores do sector da limpeza en Lugo criticaron "unha nova mostra do "absoluto desinterese"...

Unha persoa resulta ferida nun choque entre un camión cisterna e un coche en Abadín

Un camión cisterna que transportaba leite chocou contra un coche e envorcou en Abadín....

A que se debeu a grande expansión do lume no incendio de Baleira?

Os incendios que cada ano asolan Galicia destrúen a nosa paisaxe, o noso patrimonio...

Unha residencia de Vilalba deberá readmitir a unha empregada despedida por reivindicar mellores condicións laborais

O Xulgado do Social número 1 de Lugo declarou nulo o despedimento dunha traballadora...