InicioPolíticaO BNG cuestiona a programación do San Froilán e critica a ausencia...

O BNG cuestiona a programación do San Froilán e critica a ausencia de grandes concertos

Maite Ferreiro considera que o programa presentado polo Goberno municipal non responde ás expectativas xeradas polo PP e alerta da desaparición do escenario da Mosqueira

PUBLICADA O

- Advertisement -

A concelleira do BNG en Lugo Maite Ferreiro criticou este luns a programación anunciada polo Goberno municipal para o San Froilán 2026, ao considerar que a proposta non responde ás expectativas creadas nos últimos meses e non incorpora os grandes concertos que o Partido Popular reclamara durante os últimos anos.

Ferreiro sostivo que o programa mantén algunhas das liñas das edicións anteriores, pero cuestionou que supoña o cambio que, segundo indicou, o PP anunciara antes de acceder ao Goberno local. “As grandes expectativas creadas por Candia quedaron en nada”, afirmou a edil nacionalista.

A representante do BNG considera que as festas deste ano “non van ser o gran revulsivo prometido na moción de censura” e botou en falta a presenza de artistas cunha maior proxección mediática dentro do cartel presentado polo Executivo municipal.

A formación nacionalista tamén centra as súas críticas na participación do tecido cultural e musical lucense, un ámbito no que Ferreiro aprecia un retroceso con respecto á organización das últimas edicións.

CRÍTICAS POLA DESAPARICIÓN DO ESCENARIO DA MOSQUEIRA

Entre os puntos sinalados polo BNG está a ausencia do escenario da Mosqueira, un espazo que durante os últimos anos acolleu actuacións de grupos e artistas vinculados á cidade.

Ferreiro definiuno como un escenario “feito por e para a música saída de Lugo” e advertiu de que a súa desaparición da programación “pode deixar fóra das festas numerosas formacións e artistas locais”.

O grupo municipal nacionalista xa expresara nas últimas semanas as súas dúbidas sobre a continuidade deste espazo despois de comprobar que a Mosqueira non aparecía na licitación dos medios técnicos necesarios para organizar as festas patronais.

Segundo explicou Ferreiro, a cuestión tamén foi abordada durante a Comisión de Festas, onde o concelleiro de Cultura non confirmou que o escenario fose manterse este ano. Para o BNG, esta situación provocou “incerteza” entre os grupos lucenses que participaban habitualmente na programación do San Froilán.

A concelleira reivindicou o papel que desempeñaba este espazo dentro das festas ao entender que servía para reservar unha parte da programación á escena local. Segundo Ferreiro, a Mosqueira “permitía darlle protagonismo ás propostas musicais da cidade e ofrecía unha oportunidade para que diferentes grupos e artistas locais participasen nas festas patronais”.

+ posts

ÚLTIMAS

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...

Piden cinco anos de cárcere para unha moza por introducir droga no cárcere de Bonxe

A Audiencia Provincial de Lugo acolle este luns, 16 de novembro, unha vista preliminar...

Mercar no pequeno comercio de Lugo pode ter como premio un coche híbrido

Un coche híbrido é o premio que pode tocarlle a algún consumidor ou consumidora...