O deputado de Rural Daniel García participou este pasado martes na presentación da Festa da Filloa de Muimenta, que se celebrará o vindeiro 1 de maio no recinto feiral de Muimenta.
No acto, no que as filloeiras prepararon xa algunhas , o responsable provincial destacou que “a conservación e transmisión de receitas tradicionais como a filloa contribúe a preservar sabores, pero tamén a ter presentes os nosos produtos e coñecer a vida cotiá de xeracións anteriores” e valorou “o traballo da organización, que ademais de converter esta festa nunha cita gastronómica emblemática, está levando Muimenta e as súas filloas por todo o país, co presenza das filloeiras noutras celebracións populares”.
A Vicepresidencia da Deputación de Lugo colabora na programación da Festa da Filloa con música tradicional, coa actuación de Nubeiro, e co programa Un Gusto de Rural, un Rural Degusto, que ofrecerá ás persoas asistentes unha degustación de xamón curado de porco celta.
