Senadores do PP de Lugo advertiron de que o Goberno central recoñece nunha resposta parlamentaria que non prevé acometer unha rehabilitación integral do firme da estrada N-120, senón que “o único que previu facer é tapar fochancas”.
Nesta resposta a preguntas formuladas polos populares, o Executivo sostén que na N-120 na provincia de Lugo “están en execución obras urxentes para a rehabilitación do firme nas zonas deterioradas”.
Para os senadores do PP, trátase de “un recochineo aos lucenses e, especialmente, aos veciños e veciñas da zona sur que as actuacións previstas limítense a actuar unicamente nas zonas deterioradas” tendo en conta que consideran que “o acusado estado de deterioración do firme desta estrada de competencia nacional supón un serio perigo para os seus usuarios e non se soluciona con parches”.
Nesta mesma liña, os populares xa denunciaron a “falta de mantemento” desta vía, que é a principal comunicación para os concellos do sur da provincia de Lugo, especialmente para a Ribeira Sacra, coa zona de Ourense, advertindo de que “os parches realizados nos últimos anos non foron suficientes”.
