InicioMedioambiente e PatrimonioLara Méndez reprocha á Xunta "falta de atención" nas tarefas de mantemento...

Lara Méndez reprocha á Xunta “falta de atención” nas tarefas de mantemento da muralla

Reprocha que "non é de recibo que na época estival, coa maior afluencia de xente, atopemos a Muralla no estado no que a estamos vendo", indica, en alusión, entre outras cuestións, á vexetación.

PUBLICADA O

- Advertisement -

A deputada socialista lucense Lara Méndez denunciou hoxe a situación da muralla de Lugo “pola falta de tarefas de limpeza e mantemento, que competen á Xunta de Galicia ao tratarse dun ben patrimonio mundial”. Así o asegura nun comunicado no que avanza que rexistrou unha iniciativa parlamentaria na que reclama ao Goberno galego que lle preste ao monumento “a atención que precisa”.

Méndez sinala que a Muralla é un dos principais motivos polos que a cidade de Lugo se converteu nun referente turístico nos últimos anos, pero sostén que o “estado lamentable no que se atopa a día de hoxe dá moi mala imaxe, tanto da cidade como de Galicia, porque se trata dun dos únicos catro bens galegos que contan co recoñecemento da Unesco“.

“Demandamos da Xunta unha mellor planificación”, explica a parlamentaria socialista, que, aínda que recoñece que Lugo conta cun turismo relativamente “desestacionalizado”, engade que “non é de recibo que na época estival, coa maior afluencia de xente, atopemos a Muralla no estado no que a estamos vendo”, indica, en alusión, entre outras cuestións, á vexetación.

+ posts

ÚLTIMAS

Case nove de cada dez euros para concellos do PSOE e BNG: a denuncia do PP contra a Deputación de Lugo

O reparto dos fondos da Deputación de Lugo a través de convenios cos concellos...

Tomé, convocado por “erro” á xunta de portavoces provincial para asinar a declaración contra a violencia de xénero

A sinatura da declaración institucional con motivo do 25 de novembro, Día Internacional da...

Desaloxados varios colexios en Lugo por ameaza de bomba

A Policía Nacional levou a cabo na mañá deste mércores desaloxos en colexios galegos...

Buscan en Suíza probas da falsa médica sobre a que pesa unha orde internacional de procura

O xulgado de instancia de Lugo, sección penal, praza 2, agarda resposta das autoridades...