InicioPolíticaJosé Manuel Balseiro, novo coordinador xeral e portavoz do PP de Lugo

José Manuel Balseiro, novo coordinador xeral e portavoz do PP de Lugo

O deputado autonómico coordinará toda a actividade do partido na provincia a través das vicesecretarías, dos coordinadores territoriais e dos grupos institucionais.

PUBLICADA O

- Advertisement -

A presidenta provincial dos populares lucenses, Elena Candia, designou a José Manuel Balseiro como novo coordinador xeral do PP de Lugo.

A esta nova responsabilidade súmase tamén, segundo informa o PP de Lugo nun comunicado, a condición de portavoz da formación popular, así como a súa incorporación con esta función ao Comité Executivo, máximo órgano de dirección do partido na provincia.

A designación do coordinador xeral constitúe unha das novidades nas que traballa o PP de Lugo tras o seu congreso do pasado mes de setembro e supón, defenden os populares, “un paso decisivo” para “profundar na unidade orgánica, conformando un equipo de dirección que une capacidade de traballo, experiencia e renovación”.

O deputado autonómico coordinará toda a actividade do partido na provincia a través das vicesecretarías, dos coordinadores territoriais e dos grupos institucionais.

Todo o novo equipo de dirección, baixo o liderado de Elena Candia, traballa co obxectivo de que o PP “siga crecendo e fortalecendo” a súa presenza nos municipios da provincia e “seguir merecendo a confianza maioritaria” dos lucenses.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

Non sae adiante a iniciativa parlamentaria do BNG para frear a instalación de Altri en Palas

A comisión 8ª de Pesca e Marisqueo do Parlamento de Galicia rexeitou este martes unha proposición...

Un veciño de Melide sería o autor de varios incendios nunha mesma zona da Serra do Careón

A Garda Civil investiga a un veciño de Melide, de 33 anos de idade, como suposto...