InicioSociedadeDimite o concelleiro de Urbanismo de Lugo

Dimite o concelleiro de Urbanismo de Lugo

Abandona alegando "motivos persoais". O PP di que se trata de "diferencias" coa alcaldesa.

PUBLICADA O

- Advertisement -

O Concello de Lugo informou este venres de que Miguel Couto Alonso presentou na pasada xornada a súa renuncia como concelleira da Corporación municipal. O comunicado remitido polo Consistorio esgrime que o ata agora responsable de Urbanismo Sostible deixa o seu cargo por motivos persoais.

A súa renuncia farase efectiva no próximo pleno ordinario, que se celebrará o xoves 25 de marzo. A área de Couto estivera no foco no ámbito local polas dificultades para o nomeamento da xefatura de servizo de arquitectura.

Couto Alonso formaba parte do equipo de goberno de Lara Méndez desde principios de mandato.

“DIFERENCIAS COA ALCALDESA”

O PP emitiu un comunicado, tras coñecer a dimisión do ata agora edil de Urbanismo Sostible en Lugo, Miguel Couto, que “era visto” que ía suceder, e afirmou que tras os “motivos persoais” que se alegan o que se esconden son as súas “diferencias” coa alcaldesa, Lara Méndez, “froito da guerrilla entre os de Besteiro e os de Caballero”.

Os populares explican que nesta dimisión “tamén ten que ver a política personalista que leva a cabo a rexedora”. “Esta crise interna xa se vía vir desde o momento no que Lara Méndez puenteou e desautorizou ao concelleiro co nomeamento dun xefe de área que non era o que seleccionara o edil”, esgrimen.

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...