InicioPolíticaVilalba Aberta urxe á firma dun convenio coa Deputación para financiar o...

Vilalba Aberta urxe á firma dun convenio coa Deputación para financiar o centro de día

Modesto Renda pídelle á alcaldesa que siga o exemplo de concellos como Pedrafita ou Castroverde e que solicite a colaboración do ente provincial.

PUBLICADA O

- Advertisement -

O grupo municipal de Vilalba Aberta levará a pleno unha iniciativa para instar ao actual goberno vilalbés —agora formado polo PSdeG en minoría— a solicitar á Deputación Provincial a sinatura dun convenio para financiar o centro de día e así posibilitar a súa apertura nesta lexislatura.

Así o explicou o voceiro de Vilalba Aberta, Modesto Renda, quen censurou a “total pasividade” do Concello neste ano e medio de mandato. Pídenlle á alcaldesa que se “mova” e siga o exemplo doutros concellos como Castroverde, Pedrafita ou Pantón para conseguir protocolos de colaboración co ente provincial co fin de poñer en marcha o centro de día. 

Así e todo, dende este grupo municipal coidan que o exemplo que “mellor explica” a súa reivindicación é o convenio asinado recentemente entre a Deputación e o Concello de Pedrafita. “Blindouse a xestión pública e o acceso ás prazas será de xeito preferente para os veciños e veciñas do municipio. Ese é o noso modelo”, apuntou Modesto Renda.

O edil de Vilalba Aberta considera que agora que se abre o tempo de negociación dos orzamentos da Deputación é o momento propicio para actuar, “pois permitiría deixar prevista xa a consignación de crédito pactada”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...