O voceiro de EAJ-PNV no Congreso dos Deputados, Aitor Esteban, participará en Lugo nunha conferencia titulada como ‘Euskadi, unha nación en Europa’. A cita, organizada polo Ateneo Galeguista de Lugo, está prevista para este mércores 22 ás 20:00h no Hotel Méndez Núñez.
Na conferencia tamén intervirán o presidente do Ateneo Galeguista, Xaime da Pena, e o xornalista Santiago Jaureguízar.
O aforo será limitado e por orde de chegada. Tan só se reservará asento para os socios do Ateneo e para as persoas que asistan á cea con Aitor Esteban, que se celebrá xusto despois do acto no restaurante Miraz. Para anotarse na cea, cómpre poñerse en contacto coa organización, ben a través do correo electrónico (rgngon@gmail.com) ou ben vía telefónica (639.146.523).
