Lugononovo volve á política lucense. Unha vintena de persoas, integrantes da plataforma municipa, reuníronse en asemblea para dar inicio ao novo curso político. Na reunión fíxose unha análise da situación actual da plataforma, deseñando as liñas estratéxicas básicas para o futuro, e tratáronse algúns asuntos de máis actualidade.
Nesa xuntanza destacouse o difícil momento da organización, desde as pasadas eleccións municipais, nas que se perdeu a representación institucional. A pesar diso, valorizouse o bo clima interno, os coñecementos acumulados gracias á experiencia pasada e a actual liberdade para deseñar o proxecto de Lugonovo. “En definitivo, recoñécense as dificultades actuais, mais encárase o futuro con decisión e un moderado optimismo”, destaca a formación nun comunicado.
Ademais da análise estratéxica, aprobouse o apoio á próxima Folga Mundial polo Clima, así como as recentes alertas feministas. Tamén se recordou a existencia da programación cultural de Lugonovo, que actualmente conta coa exposición colectiva BRAVAS, en que a obra de oito mulleres artistas pode ser visitada nos Cinemas Codex (Praza de Viana do Castelo, nº 3-5).
