InicioPolíticaAsí quedan repartidas as áreas de goberno do PSOE na Deputación

Así quedan repartidas as áreas de goberno do PSOE na Deputación

José Tomé ocupará a área de Xestión Territorial ademais de levar as funcións propias da presidencia. A área de Muller será responsabilidade de María Loureiro; Xosé María Arias ocuparase de Cooperación e Asistencia aos Concellos; e García Porto seguirá á fronte de Réxime Interior, Promoción do Territorio e Turismo.

PUBLICADA O

- Advertisement -

O presidente da Deputación de Lugo, José Tomé, presentou este venres a composición do Goberno para os vindeiros catro anos, pensado para ser “o máis útil para a provincia a través dos Concellos e do tecido asociativo”. Nese reparto de áreas, o propio Tomé asumirá a área de Xestión Territorial, ademais das funcións presidenciais.

Así pois, Tomé pasará a ocuparse das materias de Vías e Obras, Parque Móbil e Unidade de Proxectos. Ditos asuntos inclúense nesa área de xestión territorial que deberá compaxinar coa dirección do Goberno e as tarefas de Administración. “Quero implicarme directamente na xestión para impulsar e garantir o reequilibrio social e territorial do que falaba”, asegurou.

O presidente da institución provincial estivo acompañado de deputadas e deputados do grupo socialista para dar a coñecer a nova estrutura do equipo de goberno. Segundo comentou, a designación de áreas de actuacións ten como obxectivo “responder coa máxima eficacia ás necesidades dos Concellos e dos veciños”, así como “impulsar o desenvolvemento da provincia a través do reequilibrio e a cohesión social e territorial”.

Coida que o conxunto de deputados socialistas conforman un “equipo sólido, cunha longa experiencia na gobernanza e xestión da administración pública”. Ademais, resaltou a “iniciativa” e as “ganas de traballar pola provincia con honestidade, eficiencia, diálogo, transparencia e proximidade á cidadanía”.

En canto ao resto de áreas, o cadro quedaría así:

 A Área de Réxime Interior, Promoción do Territorio e Turismo estará baixo a responsabilidade de Pilar García Porto que, ademais, estrearase como voceira socialista do Goberno.

– A Área de Promoción Económica e Social estará ao cargo de Pablo Rivera Capón. Leva asociadas as materias de Proxectos Europeos, Innovación e TICs, Transparencia, Emprego e Benestar Social.

– A Área de Economía, Recadación, Facenda e Especial de Contas seguirá baixo a responsabilidade de Mayra Gómez Bermúdez, igual ca no último mandato.  “As cousas cando van ben e funcionan, non hai que cambialas. Este é un exemplo”, en palabras de Tomé.

– Área de Participación Cidadá. O Presidente decidiu dedicarlle unha área específica a esta materia porque “lle queremos dar un protagonismo singularizado á comunicación directa coa veciñanza”. Dela ocuparase Roberto García Pernas.

– Área de Muller e Igualdade. En cumprimento do pacto de goberno, esta materia terá unha área específica que correrá a conta de María Loureiro García, “unha persoa comprometida coa necesidade de concienciar e impulsar accións para avanzar cara a igualdade real”.

– Da Área de Cooperación e Asistencia aos Concellos ocuparase Xosé María Arias, o rexedor de Castroverde. Segundo dixo o presidente, Arias é “un moi bo coñecedor das necesidades dos Concellos pola súa dilatada traxectoria como Alcalde e tamén como Deputado provincial”.

– Área de Formación, Ensino e Economía do Coñecemento. Ana González Abelleira será a encargada de dirixir esta área, en base á súa xestión como concelleira.

– A área de Medio Ambiente levaráa José Luis Raposo, alcalde de Pedrafita do Cebreiro.

– Área de Recursos Sostibles. Será Roberto Fernández Rico quen estea á fronte desta materia, centrada na xestión e impulso do Centro de Recría e a finca Gayoso Castro, ademais da finca do Pazo de Tor. Coa creación desta área, que non existía, argumentou José Tomé, procuran converter estes recursos “nun referente e nun elemento tractor para o sector primario de Lugo”.

ÁREAS DO BNG

Con respecto ás áreas que xestionará o BNG, o presidente sinalou que serán os deputados nacionalistas quen dean conta da súa organización interna. As competencias que asumen son: Deportes, Artesanía e Deseño, Memoria Histórica, Medio Rural, Mar, Mocidade, Cultura, Patrimonio Histórico e Normalización Lingüística.

ÚLTIMAS

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...

Detida unha muller por violencia doméstica ao agredir ao seu home e a outra muller

Unha muller foi detida en Lugo acusada dun delito no ámbito familiar e de lesións por...

Detidos tres veciños de Vilalba acusados de vender pezas de coches por Internet e non remitilas aos seus compradores

A Garda Civil detivo a tres veciños do municipio lucense de Vilalba acusados de vender pezas...