InicioPolíticaPP e C's rompen a coalición no Corgo poucas semanas despois de...

PP e C’s rompen a coalición no Corgo poucas semanas despois de acordala

O alcalde popular, Felipe Labrada, acusa o portavoz laranxa, Javier Vila, de tentar usurpar competencias que non lle correspondían. Asegura que os desencontros non teñen nada que ver cos salarios.

PUBLICADA O

- Advertisement -

Apenas unhas semanas durou o goberno bipartito formado polo Partido Popular e Ciudadanos no concello do Corgo. Segundo o rexedor, Felipe Labrada, a coalición quedou rota antes do primeiro pleno ordinario do mandatoporque o portavoz municipal de C’s, Javier Vila, tentou usurpar as funcións propias da Alcaldía.

No municipio do Corgo, o Partido Popular obtivo cinco edís nas últimas eleccións locais, que sumados aos dous de Ciudadanos, permitiron a investidura de Felipe Labrada como alcalde, mentres que o portavoz do partido laranxa quedou coa delegación de Vías e Obras.

Con todo, en declaracións a EFE, o alcalde deu por roto o bipartito e confirmou que os populares se dispoñen a gobernar en minoría, porque Vila pretendía asumir a través da delegación de Vías e Obras moitas máis competencias das que figuraban no propio acordo de goberno. “Vila non estaba de acordo e quería levar iluminación, traída de augas e rede de sumidoiros. Quería abarcalo todo, pero a área que delegou o alcalde eran vías e obras”, dixo Felipe Labrada.

Desde o seu punto de vista, esa postura respondía a unha “estratexia” política, polo que se viu na obrigación de “poñer punto final” e de dicir “o que delega o alcalde é isto”, e nada máis. Tamén aclarou que o desacordo chegou pola repartición de competencias, en ningún caso polos salarios, dado que o salario de cada un quedara perfectamente definido no pacto de goberno. EFE

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...