InicioPolíticaPatricia Otero ofrécelle agora a Arias ser o seu número dous no...

Patricia Otero ofrécelle agora a Arias ser o seu número dous no PSdeG provincial

A falta de 24 horas para que se celebren as votacións, a burelá insiste na oferta de integración de ambas candidaturas. Se non gaña, di, será "fiel" e "leal" ao novo secretario xeral

PUBLICADA O

- Advertisement -

EFE.- A menos de 24 horas de que os militantes socialistas de Lugo elixan o futuro secretario xeral do PSdeG nesta provincia, unha das candidatas, a deputada autonómica Patricia Otero, insistiu na súa oferta de integración de ambos proxectos. A burelá confirmou que lle ofrecía ao seu rival a posibilidade de ser o número dous do partido, concretamente vicesecretario xeral.

En declaracións a Efe, Patricia Otero asegurou que Xosé Marías Arias vai “por detrás” na súa oferta de integración, dado que ela mesma foi a primeira en ofrecerlle a posibilidade de formar parte da súa executiva, primeiro como secretario de Medio Rural e logo como vicesecretario xeral.

Otero recoñeceu “a boa traxectoria” de Xosé María Arias como alcalde de Castroverde “despois de tantos anos”, polo que, ao seu xuízo, sería “unha peza boa” para a executiva que ela espera dirixir a partir de mañá, cando voten os 1.800 militantes do partido en Lugo.

UN PARTIDO “COHESIONADO”

En relación co resultado da votación, asegurou que está “a falar co maior número de compañeiros posible” e percibe “boas vibracións”, aínda que tamén dixo que “pase o que pase”, a partir do “día 21” todos os socialistas de Lugo traballarán “xuntos”, como membros do “mesmo partido”. Nese sentido, dixo que o partido ten que saír “máis forte, máis unido e máis cohesionado” deste proceso. De feito asegurou que se non sae “elixida”, será “fiel” ao novo secretario xeral e comportarase “da forma máis leal” con el. EFE

ÚLTIMAS

Pasará a disposición xudicial o profesor do CEIP Albeiros por presunto abuso a menores

O profesor do CEIP Albeiros de Lugo detido na xornada do mércores pola Policía Nacional investigado...

Ulloa Viva acusa a Rueda de “falta de respecto” aos participantes na manifestación contra Altri

A Plataforma Ulloa Viva tacha de "falta de respecto" cara aos asistentes á manifestación...

Hael Docampo, emprendedora que apostou pola gandería en Castroverde

Segundo sabemos, esta moza era máis de animais que de gando, pero co tempo...

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...