InicioPolíticaOrozco di estar "moi contento" tras a súa última desimputación xudicial

Orozco di estar “moi contento” tras a súa última desimputación xudicial

A xuíza Pilar de Lara decretou o sobresemento provisional na causa aberta polo nomeamento dunha letrada municipal. Tamén Lara Méndez estaba implicada.

PUBLICADA O

- Advertisement -

O exalcalde de Lugo Xosé López Orozco mostrouse “moi contento” tras o sobresemento provisional da denuncia de CSIF por un nomeamento no Concello , polo que suma sete arquivos por outras tantas investigacións.

A titular do Xulgado de Instrución número 1 de Lugo, Pilar de Lara, decretou o sobresemento provisional da causa aberta tras a denuncia imposta polo sindicato CSIF polo nomeamento do posto de letrado asesor do Concello. Estaban implicados a alcaldesa, Lara Méndez, e o seu predecesor, o socialista Xosé López Orozco.

Aínda que se confesou “moi contento” sinalou que “non se tiña que chegar a este extremo, pero así está a Xustiza e así está o comportamento que ten a Xustiza comigo“, manifestou.

Orozco confía en que dito sobresemento tamén se produza sobre as outras dúas investigacións nas que está imputad: a urbanización do Garañón e a peza do guindastre da ‘Pokémon‘, instrucións xudiciais que leva tamén Pilar de Lara. Sobre a segunda destas causas, asegurou que non sabe “nin sequera” onde está, “se no Supremo ou en Lugo”.

En canto ao Garañón, Orozco lembrou que os seus avogados tamén solicitaron o “arquivo”. “Cos mesmos argumentos que utiliza a xuíza para arquivarme este tema, segundo os meus propios avogados”, matizou. “Por iso causa certa perplexidade esta causa, porque son os mesmos argumentos que no seu día expuxeron os meus avogados para pedir o arquivo do Garañón“, concluíu.

O ex alcalde de Lugo, que xa no seu día chanceou con que era o “campión” das desimputaicións, suma unha nova á espera de que tamén se poida resolver en breve o arquivo das outras dúas causas que aínda pesan sobre el -a do guindastre na ‘Pokémon’ e a urbanización do Garañón-.

ÚLTIMAS

Denunciado por cuadriplicar a taxa máxima de alcoholemia e ter un accidente en Lugo

A Policía Local de Lugo denunciou por un delito contra a seguridade viaria a un condutor,...

Dous menores e a súa nai, trasladadas con síntomas de intoxicación por monóxido de carbono en Monterroso

Dous menores e a súa nai tiveron que ser evacuadas na madrugada deste venres...

Brendan Shine, un inglés do Corgo que presenta o seu primeiro libro

Brendan Shine é un músico, cantante e deportista que leva anos asentado no Corgo...

Enagás volverá presentar o hidroducto a Guitiriz a axudas europeas

Enagás reitera que o hidroducto Guitiriz-Zamora, que quedou fóra da lista de proxectos de interese...