InicioPolíticaCruce de acusacións entre Arias e Otero na súa carreira polo liderado...

Cruce de acusacións entre Arias e Otero na súa carreira polo liderado do PSOE

Xosé María Arias pídelle a Patricia Otero que se desculpe por chamarlle "machista". A de Burela cualificouno así tras declaracións de Arias acusándoa de estar "teledirixida"

PUBLICADA O

- Advertisement -

EFE.- Os dous candidatos a ocupar a Secretaría Xeral do PSdeG na provincia de Lugo continúan cos cruces de declaracións. O alcalde de Castroverde, Xosé María Arias, pediulle este xoves á deputada autonómica Patricia Otero que se desculpe por chamarlle “machista”, unha acusación que verteu a burelá logo de que el lle dixera que estaba “teledirixida”. 

“Non creo que dixese ningunha palabra para merecer ese cualificativo”, dixo Arias, quen opina que esas declaracións de Patricia Otero están fóra de lugar, polo que lle pediu á outra candidata que o chame e que lle pida desculpas. “Abonda con que me chame e me diga: desculpa, Xosé María, foi un lapsus”, precisou o alcalde de Castroverde.

INTEGRAR CANDIDATURAS?

Segundo Arias, gañe quen gañe o día 20, ambos candidatos daranse “un abrazo” e poñeranse a traballar “no proxecto común” do PSdeG, que pasa por chegar a gobernar na Xunta de Galicia” a partir das autonómicas do próximo ano.

En calquera caso, Arias tamén tirou de ironía para responder a Patricia Otero, que lle ofreceu onte a posibilidade de sumarse á súa executiva como secretario de Medio Rural. “Agradézollo”, dixo Arias, e “tamén lle ofrezo a ela integrarse na miña executiva como secretaria de Pesca”. EFE

 

ÚLTIMAS

Pasará a disposición xudicial o profesor do CEIP Albeiros por presunto abuso a menores

O profesor do CEIP Albeiros de Lugo detido na xornada do mércores pola Policía Nacional investigado...

Ulloa Viva acusa a Rueda de “falta de respecto” aos participantes na manifestación contra Altri

A Plataforma Ulloa Viva tacha de "falta de respecto" cara aos asistentes á manifestación...

Hael Docampo, emprendedora que apostou pola gandería en Castroverde

Segundo sabemos, esta moza era máis de animais que de gando, pero co tempo...

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...