InicioLugo e contornaO alcalde de Pedrafita descártase como posible candidato para dirixir o PSOE...

O alcalde de Pedrafita descártase como posible candidato para dirixir o PSOE provincial

O congreso dos socialistas de Lugo do que sairá a nova executiva celebrarase o 27 de xullo. Raposo ten "favoritos", pero non os desvela para evitar "inxerencias"

PUBLICADA O

- Advertisement -

O alcalde de Pedrafita, José Luís Raposo, descartouse para a dirección do Partido Socialista lucense e mostrou o seu desexo de que non se produzan “inxerencias” no proceso de elección do novo secretario provincial.

A xestora presidida polo secretario de Organización do PSdeG -posto que ocupa José Antonio Quiroga desde a dimisión de Álvaro Santos- comunicou a data para o congreso provincial do que sairá a nova executiva. Será o vindeiro 27 de xullo. Respecto diso, Raposo dixo que ve “ben” a decisión e puxo en valor a “axilidade” para convocar o novo congreso. “Era como solicitabamos moitos militantes, que fose áxil e que non estivese a funcionar todo o verán a xestora. As xestoras están para o que están e que convoquen o congreso canto antes”, defendeu.

O alcalde, un dos máis veteranos da provincia e o que acumula maiorías para os socialistas desde hai máis de 30 anos, avisou que “se non hai inxerencias de ningún lugar, os militantes van elixir e elixirán a persoa idónea para levar o partido na provincia o mellor posible”.

Asemade, este rexedor xa se descarta “totalmente” para liderar o partido na provincia. Escúsase no traballo que ten no concello e no que terá como deputado provincial unha vez se constitúa a formación. “Creo que hai persoas máis idóneas e máis novas ca min para darlle un revulsivo ao partido”, subliñou. Con todo, non desvela as súas preferencias, a pesar de recoñecer que ten “favoritos” para dirixir o PSOE. Raposo quere evitar que o acusen de facer inxerencias.

ÚLTIMAS

Altri sobre a súa planta en Palas: “non emitirá dioxinas nin será prexudicial para a saúde”

Greenfiber, do grupo portugués Altri, defende que a planta de fibras téxtiles que proxecta...

Cáritas advirte da existencia dunha “feminización da pobreza” na cidade durante o 2023

Cáritas Diocesana de Lugo alertou este xoves, durante o acto de presentación dos datos recolleitos...

Olano censura que Sánchez deixe a Lugo sen alta velocidade e “obrigue a Tomé a contar unha mentira que non cre ninguén”

O deputado por Lugo no Congreso Jaime de Olano censurou este xoves que o Goberno que dirixe Pedro Sánchez...

Un home acusado de abusar sexualmente da súa filla en Vilalba nega os feitos: “Nunca a toquei”

A Audiencia Provincial de Lugo acolleu este xoves a celebración do xuízo contra un...