Menos de 200 votos. Iso foi o que separou ao PPdeG de ter a maioría absoluta na Deputación de Lugo que seguirá en mans do PSdeG, co apio do BNG.
Ata ben entrada a madrugada non se soubo se os populares poderían volver a gobernar o ente provincial. Finalmente, a batalla decisiva polo deputado da Montaña, saldouse a favor dos socialistas, pero por estreito marxe. A perda da maioría absoluta dos socialistas na Fonsagrada puido costarlles caro.
Os populares volven gañar en votos na provincia pero reducen o seu peso lixeiramente. Ademais, sofren dúas importantes decepcións en Lugo e Vilalba. Na capital provincial, o PSOE e o BNG suman para poder gobernar a pesar da vitoria de Ramón Carballo, mentres na vila chairega perden o histórico bastión conservador a mans dos socialistas.
A Deputación podería volver ser gobernada por un bipartito, despois de que PSOE e BNG volvan sumar 13 escanos, aínda que nesta ocasión os nacionalistas logran tres, un máis.
