InicioMovementos sociaisAs Anpas de Baamonde, Navia, Baralla e O Courel únense contra os...

As Anpas de Baamonde, Navia, Baralla e O Courel únense contra os recortes no rural

Crean unha plataforma para lanzar "un berro de dignidade" ante un problema común: "os políticos asinan coa man dereita a lei de impulso demográfico, pero coa esquerda pechan máis colexios".

PUBLICADA O

- Advertisement -

EFE | As ANPAS (Asociacións de Nais e Pais de Alumnos) de Baamonde (Begonte), O Courel, Navia de Suarna e Baralla decidiron unirse na plataforma ‘Anpas no rural’ para lanzar “un berro de dignidade” que chame a atención sobre o seu “problema común”, que “non é outro que o continuo goteo de peches de servizos” no ámbito rural.

“Esta plataforma nace co afán de colaborar, na medida do posible, na divulgación” da “realidade” en contornas rurais, “fronte ao relato que escoitamos por parte da Xunta de Galicia”, que “admite que son xestoras alleas á nosa terra quen están deseñando as medidas para aplicar en ela”.

Nese sentido, as asociacións que integran esta plataforma pregúntanse “como unha xestora de Madrid, ou mesmo de Santiago, vai coñecer desde o seu despacho a realidade da Montaña de Lugo ou da Terra Chá”.

“Mentres os nosos políticos asinan coa man dereita a lei de impulso demográfico, coa esquerda seguen pechando máis e máis colexios” en municipios rurais, como sucede co de Baamonde, no municipio de Begonte. Este centro vese ameazado por unha posible clausura, a petición do propio goberno local, que pretende reagrupar o alumnado noutro colexio de Baamonde e establecer no edificio un conservatorio.

“O FIN DA ESCOLA É O INICIO DO FIN DO RURAL”

Quéixanse, ademais, de que aqueles centros que permanecen abertos son “tan precarizados” que acaban por “ser inviables” de facto. Así sucede no caso do Courel, Navia ou Baralla, din, onde “o recorte no transporte escolar obriga os nenos a pasar horas interminables en autobús por zonas de difícil acceso para ese tipo de vehículos”.

Lamentan que “os nenos do rural levan anos perdendo servizos, por ser considerados números” e lembran que “o investimento en educación non pode considerarse un gasto”, porque “o fin da escola é o inicio do fin das comunidades rurais”

ÚLTIMAS

Cortes en Pedrafita pola tractorada galega que pide cambios substanciais nas políticas agrarias da UE

A protesta convocada polas organizacións agrarias galegas Unións Agrarias, Sindicato Labrego Galego e Asaga,...

Consulta xa os horarios dos concertos da Candeloria

O festival lucense A Candeloria anunciou os horarios dos seus concertos, con máis dunha ducia de actuacións...

Queres coñecer ao piloto Jorge Prado e estar no Campionato de España de Motocrós?

Os xornais de Lugo, en colaboración co Concello de Lugo, sorteamos tres entradas dobres...

Detido un condutor que tratou de levar por diante a dous grupos de ciclistas en Lugo

Un home foi detido en Lugo acusado dun delito contra a seguridade do tráfico por tratar...